Ndërsa Edi Rama ka harruar tashmë detyrën e tij, duke e fokusuar punën vetëm në sulmet ndaj kundërshtarëve e medias, Parlamenti Europian nxin Shqipërinë në Raportin e votuar për vendet e Ballkanit. PE vëzhgon e monitoron “bëmat” e reformave të qeverisë duke dalë në konkluzione dëshpëruese për shqiptarët: Korrupsioni në administraten publike vazhdon të mbetet shqetësim serioz. Abuzimi me buxhetin e shtetit , me Koncesionet, partneritetet e qeverise me klientët e saj oligarkë. Administrata e paaftë dhe e korruptuar. Me këtë imazh jemi ne sot përballë syve e gjykimit të vendeve të Bashkimit Europian. E shumë-trumbetuara reformë ne drejtësi ( që në fakt është në duart politike të këtij pushteti) është në mungesë eficence. Ky është një tjetër argument i këtij raporti që na paralajmëron që sërish vendi ynë nuk është gati për celjen e negociatave. Kjo është një tjetër shuplakë për këtë qeveri,e cila edhe në këtë rast do përpiqet ta promovojë si sukses për Shqiptarët. Por ne e dimë, shqiptarët e dinë e madje edhe ndërkombëtarët e dinë dhe e thonë se e zeza nuk është e bardhë. Vetëm pasqyra e propagandës së qeverisë nuk e sheh imazhin perçudnues që po tallet cdo ditë me fatet e Shqipërisë dhe të shqiptarëve. Kjo duhet të marrë fund e kjo ndodh me clirimin e Shqipërisë nga kjo e keqe. Natyrisht që nuk ndjehet mire as opozita dhe askush kur merr vleresime te tilla per vendin tënd . Perkundrazi te gjithe te jemi bashke ne perpjeke me te keqen.
Home Aktualitet E PLOTË/ Parlamenti Evropian nxin Shqipërinë, nga korrupsioni e koncensionet tek marrëdhenia...