Standard.al

Vokshi flet troç: Fëmijët nuk janë shqetësim i Edi Ramës

0

Pas komenteve të bëra nga kryeministri Edi Rama për denoncimet e opozitës për shkollat dhe sistemin arsimor në Shqipëri, ka reaguar edhe deputetja e PD-së, Albana Vokshi.

Me anë të një postimi në rrjetet sociale, Vokshi shkruan se nuk është faji i opozitës për largimin e 133 mijë fëmijëve dhe mbylljen e 130 shkollave, por është faji i kryeministrit i cili kurrë nuk ka patur interes për fëmijët.

Sipas saj, sikur Rama të mos shpenzonte për luks, të gjitha paratë e kursyera do të mjaftonin për riparimin e gjithë shkollave si dhe të gjithë nxënësit të merrnin librat falas.

Ja postimi i Vokshit:

– 133 mijë fëmijë kanë braktisur sistemin shkollor katër vitet e fundit

– Mbi 130 shkolla janë mbyllur nga Rama

– 100 mijë fëmijë nuk hanë më shumë se një vakt në ditë

Por fëmijët nuk janë shqetësim i EDI RAMËS. Në fakt, nuk kanë qenë kurrë në jetën e tij.

Ndaj sot, në vend që të heshtë, Kryeministri ynë, që nuk e vret mendjen për njerëzit, sulmon opozitën në përpjekje për të fshehur faktin se shpenzimet e tij të lluksit do të mjaftonin për të ndërtuar gjithë shkollat në vend dhe për të paguar për të gjithë fëmijët tekstet falas.

Image

Leave A Reply

Your email address will not be published.

This site uses Akismet to reduce spam. Learn how your comment data is processed.