I vihet flaka një biznesi në Tiranë

Nuk kanë të ndalur ngjarjet e rënda që ndodhin në vend.

Ndërsa gjatë natës shpërtheu tritol në banesën e një biznesmeni në Pogradec, në Tiranë persona të paidentifikuar i kanë vendosur flakën një biznesi.

Bëhet fjalë për një klinikë dentare që është shkrumbuar gjatë natës në zonën e Laprakës.

Burime policore thanë se, në vendin e ngjarjes janë gjetur gjurmë gjaku.

Dyshimet janë që personi që i ka vënë flakën klinikës të jetë prerë nga xhamat, pasi i ka thyer për të hyrë brenda.

Siç ndodh në këto raste, policisë i ka ngelur vetëm të nisë hetimet për të zbuluar autorin.