Kontrollet mjekësore janë tënevojshme në çdo moshë sidomos nëse hasni problemin më të vogël me shëndetin tuaj.
Përgjithësisht këshillohet që njëherë në çdo 6 muaj apo 1 vit të vizitohet çdo person, mirëpo shqiptarët e neglizhojnë gjithmonë këtë për arsye nga më të ndryshmet.
Pas kalimit të të 30-ave lind nevoja që t’i kushtoni më shumë rëndësi ushqimit, mirëqenies e si rrjedhojë shëndetit të përgjithshëm.
Nëse sa po keni rrumbullakosur 30-shin e parë të jetës duhet të shkoni më shpesh tek mjeku dhe të bëni këto analiza:
Tensioni i gjakut: Edhe pse shëndeti kardiovaskular mund të jetë në gjendje të përsosur, nuk përjashtohet fakti për t’u prekur nga tensioni i lartë i gjakut pas të 30-ave. shkruan Living.
Niveli i kolesterolit: Duhet t’i bëni këto analiza të paktën 1 herë në vit të kontrolloni nivelin e kolesterolit në gjak, sidomos në rastet kur keni një histori familjare me kolesterol të lartë dhe nuk ushqeheni shëndetshëm. Pas kalimit të të 30-ave metabolizmi ngadalësohet dhe është më e lehtë të akumulohen yndyrnat në gjak.
Niveli i sheqerit në gjak: Siç e përmendëm dhe më sipër pas kalimit të kësaj moshe, metabolizmi ngadalësohet dhe pankreasi i cili sekreton insulinë mund të mos funksionojë siç duhet. Nëse keni histori familjare me nivel të lartë sheqeri apo diabeti mos i menjanoni kontrollet mjesësore pas kësaj moshe.
Tiroidet: 1 në 10 gra përjetojnë probleme me tiroiden gjatë gjithë jetës. Pas të 30-ave ju duhet të bëni kontrolle mjekësore për gjendrën tiroide të paktën 1 herë në vit.
