Erion Kristo i kthehet Ramës: Harxho më shumë se një status, shko atje ku ka ndodhur ngjarja

0
790

Gazetarë dhe aktivistë  kanë protestuar pasditen e sotme përpara kryeministrisë, pas sulmit ndaj banesë së prindërve të gazetares Klodiana Lala.

Ata bëjnë thirrje që të zbardhet sa më shpejt ngjarja dhe të vihen para drejtësisë autorët e këtij krimi.

Në këtë protestë ka qenë i pranishëm edhe pedagogu Erion Kristo, i cili i ka bërë thirrje kyeminisitrit Rama të jetë pranë familjes ku ndodhi krimi, si dhe organeve kompetente që ta zbardhin këtë ngjarje sa më shpejt.

“Krimi cënon rëndë jetën e njerëzve të cilët sot fatmirësisht shpëtuan, por terrori brenda zemrës së tyre nuk është fashitur. Ato armë që u shkrepën, u shkrepën për të gjithë ne, që besojmë tek fjala e lirë. Po të shikoni sot, ka shumë gazetarë dhe nuk ka asnjë oligarkë të medias.

Të dashur qytetarë, mos i ngatërroni gazetarët me të dhjamosurit e medias. Gazetarët janë të gjithë këtu sot me ne, janë të gjithë në krah të Klodianës, një gazetare trime, e drejtë, profesioniste që ka dhënë vetëm fjalën e lirë. Prandaj kurrë mos i fyeni gazetarët.

Kërkojmë nga kryeministri i vendit të harxhojë më shumë se një status në ‘Twitter’, të shkojë atje ku ka ndodhur ngjarja, të tregoj që është shërbëtor i këtij populli, shërbëtor i paguar shtrenjtë nga taksat tona. Kërkojmë nga organet ta zbardhin ngjarjen sa më shpejtë”, tha ndër të tjera Kristo.

Web Agency, Digital Agency, Web Development Agency

LEAVE A REPLY

Please enter your comment!
Please enter your name here