Çfarë po ndodh në Vatikan: Kërkohet dorëheqja e Papës!

1

Një raport i firmosur nga ish-Nunci Apostolik në SHBA, Carlo Maria Vigano, i publikuar nga disa media ka tronditur thellë Papatin e Bergolios.

Ish-Nunci dëshmon se Papa Françesku ka qenë në dijeni të abuzimeve seksuale të ish-Peshkopit të Uashingtonit, Theodore McCarrick dhe sërish ka heshtur apo e ka promovua atë.

Vigano, për të cilin gazeta italiane “Corriere della Sera” shkruan se bën pjesë të konservatorët që kundërshtojnë nismat dhe sjelljen e Papës së tanishëm, kërkon dorëheqjen e këtij të fundit.

Në këtë moment shumë dramatik për Kishën universale, Papa duhet të njohë gabimet e veta dhe në koherencë me parimin e qartë të tolerancëz zero dhe duhet të jetë i pari që të japë një shembull të mirë për kardinalët dhe peshkopët që kanë mbuluar abuzimet e McCarrik dhe të japë dorëheqjen bashkë më ta shkruan ndër të tjera Viganò, raporton Respublika.

Sipas tij, Vatikani ka patur dijeni që në vitin 2000 për abuzimet, vit kur McCarrick u ngrit në detyrën e peshkopit të Uashingtonit.

Hetimi ndaj tij nisi në vitin 2018, por për raporte seksuale me të rritur, ndryshe nga dëshmia e ish-Nuncit që deklaron se abuzimet e tij kanë qenë me seminaristë.

Sipas tij, emërimi në detyrën në fjalë nuk është vepër e Papa Vojtilës, por e ish-sekretarit të Shtetit, Sodano, ndërkohë që Gjon Pali II ishte shumë i sëmurë.

Spekullimet janë se Sodano ka mbuluar informacionin pasi askush nuk do të pranojë se Vojtila të ketë gisht në këtë çështje.

Një arsye për këtë është se Mçarrik lëvizte në Vatikan me miq të nivelit të lartë dhe pjesë e Curias, çka mund të shpjegojë mbulimin për një kohë të gjatë të abuzimeve të tij.

Problematik është qëndrimi i Papës Benedikti XVI, që është vënë në dijeni për abuzimet e peshkopit nga ish-sekretari i Shtetit Tarcisio Bertone. Në vitin 2009, Benedikti veproi por përgjysmë, me sanksione sekrete.

Por akuza më e rëndë shkon ndaj Papa Franceskut, që ka dalë hapur me disa deklarata në mbështetje të afrimit të homoseksualëve me Kishën.

Sipas ish-Nuncit Apostolik në mbështetje të McCarrick dhe Papës janë peshkopët amerikanë, filo-homoseksualë sipas tij që po diktojnë sjelljen e Vatikanit për çështje të tilla. Ai shkruan madje për një audiencë më Françeskun në vitin 2013 ku është folur për peshkopin, por Papa nuk ka bërë asnjë koment.

Akuzat bashkë me kërkesën për dorëheqje vijnë ndërkohë që Bergolio e ka shkarkuar tanimë Mçarrik nga këshillimi Kardinalëve, një akt i paprecedent në kohët e sotme, por që lë shijen e një manovre në kushtet e një denoncimi konkret.

Çështja ndërlikohet më shumë nisur nga fakti se ndërkohë që Françesku po kërkon falje në Irlandë, ai duket se ka preferuar të heshtë për një kohë të gjatë dhe të mbrojë të akuzuarit.

Për McCarrik, Papa deklaroi se akuzat janë poshtërsi, por reagimi i peshkopit të Bostonit e detyroi të hapë hetime.

Corriere bën insinuatën se çështja Vigano rihap për diskutim arsyet e dorëheqjes së Papa Benediktit, i “vetmi që del i paprekur në këtë histori”.

Do të japë apo jo dorëheqje Françesku kjo mbetet për t’u parë, por duhet thënë se Papati i tij është njollosur keq.

1 Koment

  1. Te eleminohen, budalleqet ne kisha e xhamia, te shkrihen, ropen popujt keto ,bastarde qe ,hane, pijne, dhe mbajne nga nje liber bakalli ne dore, shkerdhejne njeri tjetrin ,bejne sikur luten per njerzit, gjithe diten sillen verdalle si shpetimtaret e njerzimit ,keto parazite qe ne objektet e tyre te lare me flori , pihet vere dhe behen veprimet me te turpeshme.Marin dhe rjepin popullin ,sikur te jene vete zoti, ker Jane fundrina e shoqerise njetezore, ndjellin fatkeqesi, luftra, vellavrasje, dhe percarje ne popullin e pashkolluar.keto monstra duhen braktisur dhe eleminuar mundedisht, I pine gjakun popullit.

Lini nje pergjigje