Shkatërrohet banda e kokainës në Itali

0

Një rrjet trafikantësh i specializuar në shpërndarjen e kokainës në shtëpitë e konsumatorëve “besnikë” u shpërbë në Perugia nga policia italiane. Gjatë operacionit një shqiptar u arrestua dhe të paktën katër të tjerë u shpallën në kërkim.

Agjentët e ekipit kryen kërkime në disa apartamente, të cilat lejuan të identifikonin edhe bazën e grupit  një shtëpi në Ponte della Pietra, ku u gjetën edhe 60 gram kokainë.

Shqiptari 23-vjeçar i arrestuar kishte ardhur në Itali vetëm për disa javë dhe është konsideruar nga policët si kujdestar i “depozitës”. Një Fiat Punto, përdorej për të dërguar pakot me drogë, ndërsa rreth 7,000 euro u zbuluan brenda në apartament. Dy doza kokaine u gjetën në një nga nga banesat e kontrolluara.

Lini nje pergjigje