Hajdutët i janë futur në shtëpi aktorit të njohur italian duke i marrë objekte të ndryshme prej ari dhe veshje të shtrenjta.
Mediat italiane shkruajnë sot se ngjarja ka ndodhur në shtëpinë e aktorit Alessandro Gassman.
Policinë e ka njoftuar dje rreth orës 13:00, gruaja që punon në banesën e aktorit në Via dei Coronari.
Ndër të tjera, gjithashtu janë vjedhur edhe çmimet e fituara nga Alessandro Gassman dhe babai i tij Vittorio.
Mediat shkruajnë se policia ka nisur menjëherë hetimet, duke marrë regjistrimet e kamerave të sigurisë, e në pyetje pronarët e banesës.