Më shumë se 100 pasagjerë janë në pritje që të nisen nga Pisa në Tiranë.
Kompania ajrore ‘Fly Ernest’ është vonuar për 24 orë dhe pasagjerëve nuk u jepet asnjë njoftimi mbi shkaqet e vonesës.
Në një linjë telefonike për FaxNews një nga pasagjeret tregon se nisja duhet të ishte kryer me datën 5 gusht në orën 13:00.
‘Ne duhet të niseshim me datë 5 gusht në orën 13:00, nga Pisa në Tiranë, kemi 24 orë që presim pa pasur asnjë paralajmërim.
Jemi akoma në pritje pa pasur një përgjigje të saktë nga kompania e fluturimit. Në këto momente që flasim jemi në një hotel. Nuk kemi asnjë lloj informacioni tjetër.
Si nga Shqipëria si nga Italia linjat janë të bllokuara. Jemi më shumë se 100 pasagjerë’.
