Elita 5 vjen me një koncert super madhështor

0

Me rastin e 30-vjetorit të krijimit të një ndër grupeve më të famshme shqiptare të muzikës rrok, Elita 5 do të organizojë një koncert që do të mbahet në Tiranë. Një lajm të tillë e ka bërë të ditur kryetari i bashkisë, Erion Veliaj, përmes një postimi në rrjete sociale.

“Tornado në Tiranë. Elita 5 feston 30-vjetorin e krijimit dhe albumin e ri ‘Tornado’…ku tjetër? Tek Amfiteatri i Liqenit në 7 shtator. #Rrokushqiptar #Tirananukndalet.”

Arif Ziberi (vokalist), Mevaip Mustafi, Valon Gashi (solo kitarë) Agron Idrizi (bass kitarë) dhe Besim Ibrahimi (daulle) krijuan grupin në vitin 1988, ndërsa albumi i tyre i parë u publikua më 1990-n në të njëjtin emër.

2 vite më pas publikuan albumin e dytë, “Nuk jam Al Kapone”, i cili vulosi famën e tyre me këngë si “Të pres”, “Ç’ka më ka syri”, “Dua të vdes”, “Al Kapone”, “Simfonia e Detit” etj.

Albume të tjerë të suksesshëm janë: “Fol, vetëm fol” (1994),

“Si Merlin Monro” (1997),

“Hitet e Elita 5” (1998),

“Vetëm për ju”,

“Elita 5 – Live” (2000),

“Bardh e Zi” (2004),

“Elita 5 – The Best of” (2005).

Albumi i fundit i tyre u publikua në vitin 2014. “Mohikani i Fundit” përbëhet nga këngë të njohura si “Nuk Jam Diktator”, “Gabim”, “Më fal” etj.

“Tornado” është projekti më i ri, që do të promovohet me rastin e 30-vjetorit të krijimit të grupit legjendar.

Lini nje pergjigje