Ndahet nga jeta regjisori, dy vite betejë me kancerin

0
183

Pas një sëmundje të rëndë, në moshën 51 vjeçare, ka ndërruar jetë regjisori nga Kosova, Bekim Lumi.

Regjisori Lumi ishte profesor në Fakultetin e Arteve në Prishtinë, ndërkohë që në skenat e teatrove ka ngritur një numër shfaqjesh të suksesshme.

Në qershor të këtij viti, regjisori Lumi, vuri në skenë shfaqjen e tij të fundit, “Arturo Ui” të autorit Bertolt Brecht.

I ndjeri Lumi, për disa vite punoi edhe si korrespondent nga Kosova i Radios Evropa e Lirë.

Ngushëllime familjes Lumi i ka shprehur presidenti i Kosovës, Hashim Thaçi.

Ne një shkrim në rrjetin social Faceboook, presidenti Thaçi, e ka cilësuar të dhimbshëm lajmin mbi vdekjen e regjisorit Lumi.

“Si artist e si regjisor, Bekim Lumi kontribuoi shumë për artin, teatrin, kulturën dhe për edukimin e artistëve të rinj. Ngushëllime familjes Lumi dhe të gjithë artistëve, miqve dhe bashkëpunëtorëve të tij”, ka shkruar presidenti Thaçi.

Edhe kryeministri i Kosovës, Ramush Haradinaj, e ka quajtur të pikëlluar lajmin “për kalimin në amshim” të regjisorit Bekim Lumi.

“Ikja e hershme e Lumit ka lënë një zbrazëti të madhe në familje, shoqëri dhe sidomos në artin e regjisë. Ai nuk reshti për tre dekada me radhë t’i jepte vulën e tij origjinale artit dramatik të Kosovës. Ngushëllime të sinqerta familjes Lumi, të gjithë atyre artistëve që punuan më të si dhe miqve të shumtë”, ka shkruar kryeministri Haradinaj në rrjetin social Facebook.

Web Agency, Digital Agency, Web Development Agency

LEAVE A REPLY

Please enter your comment!
Please enter your name here