Policia e Devollit ka shpallur në kërkim dy persona si autorë të dyshuar për ngjarjen e ndodhur në mbrëmjen e djeshme në Bilisht ku mbeti i plagosur me thikë një 25-vjeçar.
Sipas policisë në kërkim u shpallën A.A, 22 vjeç dhe M.A, 21 vjeç të dy banues në fshatin Kuç-Devoll.
25-vjeçari me iniciale E.M ndodhet në spitalin e Korçës jashtë rrezikut për jetën.
Njoftimi i policisë:
Specialistët e Seksionit për Krimet në Komisariatin e Policisë Devoll, referuan materialet në Prokurorinë e Rrethit Gjyqësor Korçë, si dhe bënë shpalljen në kërkim për shtetasit:
A.A, 22 vjeç dhe M.A, 21 vjeç të dy banues në fshatin Kuç-Devoll.
Pasi më datë 21.07.2018, këta shtetas, në Bilisht për motive të dobëta, dyshohet se kanë goditur me mjet prerës shtetasin E.M, 25 vjeç, banues në Bilisht, i cili ndodhet në Spitalin e Korçës jashtë rrezikut për jetën.
Nga ana e Policisë, po punohet për kapjen e tyre.