Një grua 48 vjeçe është arrestuar të premten (20 korrik) pasi policia gjeti 1 kilogram kokainë të groposur në oborrin e shtëpisë së saj në Athinë.
Sipas mediave greke, lënda narkotike u gjet në një vazo qelqi që përmbante oriz në një thellësi prej 55 cm.
Policia bastisi shtëpinë e gruas me shtetësi shqiptare dhe e raportoi si pjesë e një bande për shpërndarjen e drogës që vepronte në kampet e romëve në zonat Aghia Sotira dhe Avliza Menidi.
Banda pësoi një ‘rënie fatale’ në fund të qershorit kur 24 anëtarë nga mosha 20 – 71 vjeç u arrestuan.
