Një shpërthime eksplozivi ka ndodhur gjatë natës në një pallat në Tiranë.
Shpërthimi ka ndodhur rreth orës 02.10 të natës së kaluar, në katin e parë të një pallati në rrugën “Ymer Kurti”, në dyqanin në pronësi të Drita Lulos.
Mësohet se ka pasur dëme të konsiderueshme materiale, ndërsa grupi hetimor po punon për zbardhjen e motiveve dhe autorëve të mundshëm.
Njoftimi i Policisë
Më datë 20. 07. 2018, rreth orës 02:10, në rrugën “Ymer Kurti “, në katin e parë të një pallati, pranë qepenit të një dyqani bosh, në pronësi të shtetases D. L., ka ndodhur një shpërthim i dyshuar nga lëndë plasëse të llojit eksplozivë, ku ka patur vetëm dëme materiale.
Po punohet për identifikimin dhe kapjen e autorit/ve dhe saqrimin e mëtejshëm të rrethanave të ngjarjes.
