Familja Berçana ka hapur dyert e mortit për çiftin i cili u ekzekutua mëngjesin e sotëm brenda në makinën e tyre. Mësohet se trupat kanë ardhur nga morgu në familjen e prindërve të djalit, të ndjerit Boran Berçana. Ceremonia mortore do të zhvillohet ditën e nesërme në orën 11.00. Të dy viktimat do të varrosen së bashku
Ekzekutimi i çiftit Berçana ka ndodhur në hyrjen e pallatit të tyre në orët e para të mëngjesit të kësaj të diele, rreth orës 6:00. Kanë qenë fqinjët ata që kanë dëgjuar të shtënat dhe kanë lajmëruar policinë.
Ata kanë gjetur fëmijën e mitur në pjesën e pasme të makinës, të trembur, po fatmirësisht pa asnjë dëmtim.