Lulzim Basha i është bashkuar mbrëmjen e sotme artistëve dhe qytetarëve që protestojnë kundër prishjes së Teatrit Kombëtar dhe ndërtimin e kullave në këtë vend.
Duke folur para të pranishmëve, Basha është shprehur se opozita do të bëjë gjithçka për ta bllokuar ligjin e jashtëzakonshëm që ka sjellë qeveria e Edi Ramës për të shembur Teatrin.
Pjesë nga fjalimi i Lulzim Bashës:
Projekti i grabitjes së Teatrit Kombëtar është projekt i narko-mafias. Ka 20 vite që kërkon të marrë këtë truall dhe nuk ja ka dalë edhe për shkak të qëndresës së disa socialistëve që sot i shoh kokulur, si Pandeli Majko.
Sot ai i ka të gjitha pushtetet dhe është kreu i mafiozëve. I duhet ky truall për të pastruar paratë e drogës.
Ligji i propozuar është ligji i narkoshtetit, është ligji, fusha-droga-rama.
Ne do të bëjmë gjithçka që të ndalojmë miratimin e ligjit. Por ju e dini, që ata i kanë votat. Ne do të bëjmë presion që Presidenti të mos e miratojë.
Nëse ata e sjellin sërish këtë ligj sërish në parlament, ne do të ju ftojmë në një tjetër betejë.
