Një burrë rreth 50 vjeç është gjetur i pajetë në Paskuqan këtë të hënë. Viktima është Enver Gjonaj.
“Më datë 25.06.2016, rreth orës 12:20, në rrugën kryesore në Paskuqan, është rrëzuar aksidentalisht dhe ka gjetur vdekjen shtetasi E.Gj., rreth 50 vjeç. Shërbimet e Policisë po kryejnë veprimet e mëtejshme për përcaktimin e shkakut dhe rrethanave të vdekjes”, njoftoi zyrarisht Policia.
Sipas një rindërtimi paraprak të ngjarjes nga Policia, Gjonaj ka qenë duke ecur, kur ka rënë në tokë. Pritet ekspertiza për të përcaktuar nëse 50-vjeçari ka pësuar infarkt apo vdekja ka ardhur nga ndonjë shkak tjetër.
