Dita e sotme është përfshirë nga disa aksidente të renda në vend. Mëi fundit ka ndodhur në zonën e Paskuqanit, Tiranë ku drejtuesi me “Volkswagen”, ka përplasur rëndë këmbësorin 25 vjeçar.
Informacion paraprak
Më datë 23.06.2018, rreth orës 20:40, në Paskuqan Nr.1, mjeti tip “Volkswagen” me targë AA 576 OH, me drejtues shtetasin G. P., ka aksidentuar këmbësorin E. R., rreth 25 vjeç, i cili është dërguar në spital për ndihmë mjekësor dhe aktualisht ndodhet në gjëndje të rëndë shëndetësore. Shërbimet e Policisë dhe drejtuesi i mjetit ndodhen në vendngjarje, po kryhen veprimet e mëtejshme hetimore dhe proceduriale për zbardhjen e shkakut dhe rrethanave të aksidentit.