Një 20-vjeçar nga Bulqiza është arrestuar nga policia pasi u kap me një qese kokainë, të cilën e kishte fshehur në trup.
Në kuadër të operacionit të koduar “Muzgu”, u bë arrestimi i Luan Boça.
Në njfoftimin e policisë thuhet se: “Arrestimi i tij u bë pasi gjatë kontrollit fizik që iu bë shtetasit Luan Boça, në një lokal në qytetin e Klosit, iu gjet e fshehur në trup një qese plastike brenda së cilës gjendej lëndë narkotike e dyshuar kokainë, i cili do ta shiste në doza”.
Në cilësinë e provës materiale u sekuestrua lënda narkotike e dyshuar kokainë me peshë 22.75 gram Materialet proceduriale do ti referohen Prokurorisë Pranë Gjykatës së Shkallës së Parë Mat për veprën penale “Prodhim dhe shitje të Narkotikëve “.