Një aksident është regjistruar pak minuta më parë në qytetin e Durrësit.
3 automjete janë përplasur njëri me tjetrin në një nga kryqëzimet e lagjes nr.6, pranë kopshtit “Sotir Noka”.
Siç duket edhe nga fotot e mbërritura në redaksinë e DurrësLajm, nga aksidenti ka pasur dëme materiale, por fatmirësisht asnjë të lënduar.
Të tre automjetet kanë mbetur të dëmtuara, ndërkohë që policia ka mbërritur në vendngjarje dhe ka nisur hetimet.
Ende nuk dihet çfarë e shkaktoi aksidentin e trefishtë.