Nënkryetari i PD-së, Edi Paloka ka reaguar pas vizitës së Ramës në Dibër, ku inauguroi çeljen e punimeve për ”Rrugën e Arbrit”. Ai thotë se Rama edhe pse i kishte ftuar njerëzit që të merrnin pjesë në takim, nuk i la që të shkonin.
Statusi i Palokës
Pothuajse e gjithë garda është angazhuar këto ditë duke kontrolluar pëllëmbë për pëllëmbë gjithë rrugën nga Tirana në Peshkopi. Nuk kanë lënë shkurre e ferre pa kontrolluar. Nuk kanë lënë vrimë në rrugë e anash saj pa i hyrë brenda.
Me qen e aparatura antimine. Me ushtarë e civilë që kanë qëndruar roje gjithë natën e gjatë gjithë rrugës që do duhej të bënte sot Edvini për të shkuar në Klos e pastaj në Peshkopi.
E në fund, pas gjithe këtyre peripecive, Rama shkoi në Klos…me helikopter…Shkoi të zhvillonte takim me popullin, pasi ishte siguruar që policet që kishin ngritur gardhe njeri pas tjetrit, të mos lejonin që populli të shkonte në takimin e Ramës me popullin.
E të mendosh që i kishte ftuar vetë në fb. Po kështu është kur e di se sa të duan, paranoja bën të veten.
