Donald Lu do të largohet nga Shqipëria në korrik të këtij viti. Në faqen e internetit të Shtëpisë së Bardhë, sqarohet se iu dërgua Senatit lista me 7 caktime dhe një tërheqje në nivel diplomatësh.
Njeriu që drejtoi misionin diplomatik të Shteteve të Bashkuara në Shqipëri do të jetë Ambasador i Jashtëzakonshëm e i Gjithëpushtetshëm i Amerikës në Republikën e Kirgistanit, thuhet aty.
Ambasadori që pati ndoshta ndikimin më të madh në politikën shqiptare ka meritën e nxitjes së reformës në drejtësi e falë përpjekjeve të tij, dy zyrtarë të lartë shqiptarë kanë marrë “ndalim publik” nga DASH-i, diçka që ndodhte për herë të parë. Lu do të mbahet mend gjatë edhe për qëndrimin e tij për kapjen e ”peshqëve të mëdhenj”.