Policia dhe Prokuroria e Beratit kanë zhvilluar një operacion të koduar “Osoja”, i cili u ndoq me metoda speciale dhe pas një hetimi 1- mujor, u bë arrestimi në flagrancë i dy vëllezërve nga fshati Osojë i Skraparit:
Kalem Muçaj, 51 vjeç dhe Elmas Muçaj, 41 vjeç
Të dy dispononin armë zjarri dhe po përgatiteshin për të kultivuar bimë narkotike.
Në kuadër të operacionit u ushtrua kontroll në banesat e tyre, ku gjatë kontrollit u gjetën dhe sekuestruan në cilësinë e provës materiale:
• Gjashtëdhjetë e nëntë fara bimësh narkotike të dyshuara Cannabis Sativa.
• Dy armë zjarri automatike model 56, kalibër 7.62 mm.
• 4 krehëra automatiku.
• 4 711 fishekë të kalibrit 7.62 mm.
Materialet i kaluan Prokurorisë së Rrethit Gjyqësor Berat për veprën penale, “Prodhimi dhe shitja të lëndëve narkotike”, “Prodhimi dhe mbajta pa leje e armëve dhe municioneve luftarake”, parashikuar nga nenet 283/1 dhe 278/1 e Kodit Penal.
