Ditën e shtunë opozita do të protestojë para Kryeministrisë duke kërkuar largimin e Ramës nga pushteti, pasi e akuzon si të lidhur me krimin dhe korrupsionin dhe për të kërkuar shkarkimin e ministrit të Brendshëm, Fatmir Xhafaj.
Protesta do të nisë në orën 11:00, ndërsa nuk ka një afat se kur do të përfundojë, megjithëse zyrtarë të PD-së shprehen se ajo do të mbyllet në të njëjtën ditë.
Po ku do të jetë Kryeministri Rama ndërsa opozita dhe mbështetësit e saj do të mblidhen në bulevardin “Dëshmorët e Kombit”?
Sikundër mësohet nga burime zyrtare, Kryeministri do të shkojë në Berat e më pas në Skrapar për të vijuar me fushatën e dëgjimit të ankesave të qytetarëve.