Një person hapi zjarr në një lokal ditën e sotme në qytetin e Vlorës, fatmirësisht pa shkaktuar viktima.
Ngjarja ndodhi në zonën e “Sahatit”, pranë Postës, ku autori i dyshuar u konfliktua me një person, doli nga lokali dhe më pas u rikthye me armë zjarri tip Kallashnikov.
Ai është identifikuar si Besmir Gj., 31 vjeç, i cili është neutralizuar në vendin e ngjarjes nga klientët dhe efektivë të policisë që ndodheshin aty pranë.
Sipas dëshmitarëve, 31-vjeçari iu drejtua një tavoline me katër persona por nuk dihet se cili ishte objektivi i tij.
Reagimi i menjëhershëm i policisë vendore, ndihmuar dhe nga shtetasit e pranishëm në lokal kanë bërë të mundur neutralizimin dhe ndalimin e shtetasit Besmir Gj., i cili tashmë ndodhet në ambientet e DVP. Vlorë, për veprimet e mëtejshme hetimore”, thuhet në njoftimin zyrtar të policisë.
Gjatë neutralizimit të tij, është plagosur lehtë një person që u përplas me xhamin e lokalit.