Një aksident i rëndë ka ndodhur rreth orës 15:00 në fshatin Adriatik të Kurbinit, ku kanë mbetur të vdekur tre persona. Sipas të dhënave të para, mësohet se një automjet ka rënë nga ura e ka përfunduar në kanal.
Brenda mjetit raportohet se ndodheshin tre të rinj, të cilët kanë gjetur vdekjen e menjëhershme. Policia dhe një ambulancë kanë shkuar në vendin e ngjarjes.
Mësohet se tre viktimat janë të tre të rinj. Nuk dihen ende rrethanat e plota të ngjarjes dhe identiteti i viktimave. Dyshohet se mjeti ka qenë me shpejtësi dhe drejtuesi nuk ka arritur të manovrojë në kohë, gjithsesi hetimet e policisë do zbulojnë edhe shkaqet e këtij aksidenti të rëndë.