Gjatë një takimi me maturantët e Tiranës për Maturën Shtetërore, kryetarja e LSI Monika Kryemadhi ka thënë se LSI ka treguar vëmendje për Maturën Shtetërore dhe ndaj të rinjve.
Kryemadhi tha se të rinjtë duhet të përmbysin regjimin e kryeministrit Edi Rama siç bënë baballarët e tyre me sistemin diktatorial.
“Dëgjoja paradën e Ramës që çdo ditë e më shumë ka frikë nga plakja e tij. Frika e tij po shkon drejt shkatërrimit të së ardhmes së rinisë shqiptare dhe plakja e një rinie vjen duke shkatërruar arsimin, një brez që gjen zgjidhjen për tu larguar sa më shpejt nga vendi. Këta dinosaurët e sotshëm që janë përsëri të së shkuarës nuk mund ta ndalojnë rininë shqiptare të përmbysë këtë regjim diktatorial, që po uzurpon çdo ditë e më shumë çdo institucion mësimdhënie”- tha Kryemadhi