Ish-gruaja e Edi Ramës, aktualisht gruaja e ministrit Bledi Çuçi, e cila del gjithmonë me qëndrime ekstreme në mbrojtje të kryeministrit, ka sulmuar diplomatët evropianë.
Ajo justifikon deklaratat e Ramës se Shqipëria rrezikohet nga terrorizmi islamik i mbështetur nga Rusia, me idenë që diplomatët e huaj marrin vesh vetëm me kërcënime.
Fico i tha këto gjatë një diskutimi në facebook, ndërsa një eksperte sigurie i bën thirrje që dikush t’i thotë Kryeministrit Rama që të ndalojë shantazhimin ndaj BE-së me kërcenimin se rrezikohemi nga ISIS apo Rusia.
Ja si përgjigjet Delina Fico:
“Ke shume te drejte, por ti duhet ta dish gjithashtu se me njerëzit duhet te flasesh gjuhen qe ata kuptojne. Dhe gjuha qe kupton shumica e diplomateve të huaj kur vjen puna tek Ballkani Perëndimor është shumë e thjshtë: Ndikimi rus, konflikti i mundshëm ndër-etnik, rreziku i ekstremizmit të dhunshëm dhe rreziku i niveleve të migrimit, apo jo?”
Në fakt, i këtij qëndrimi është vetë Rama, i cili, prej kohësh po luan kartën e kërcënimit ndaj BE-së, me idenë që Rusia është aty, e gatshme për t’u përfshirë në Shqipëri. Fico po thotë copë atë çfarë Rama po e bën me vepra, gjë që do të thotë se politika e jashtme e Shqipërisë në BE, është ajo e shantazhit.
© SYRI.net