Madrilenët do të paraqiten me fanella të zeza sot kundër Bayernit dhe kjo pas një kërkese të klubit bavarez.
Pas një mbledhjeje mes drejtuesve madrilenë dhe atyre bavarezë me UEFA-n, është vendosur që Los Blancos të paraqiten sonte me fanella të zeza në “Allianz Arena”.
Sipas “Marca”-s, kërkesa ishte e vendasve, pavarësisht se ngjyrat nuk bien ndesh me njëra-tjetrën.
Madje, Reali ka zhvilluar disa ndeshje në “Allianz Arena” me fanella të bardha dhe njëra prej tyre është fitorja prej 4-0 në vitin 2014.
Me fanella të zeza, Reali luajti edhe edicionin e kaluar, ku Los Blancos fituan 1-2 me dy gola te Cristiano Ronaldos.