Ndarja e Zayn Malik dhe Gigi Hadid i shokoi fansat e tyre. Pas 2 vitesh lidhjeje, çifti i famshëm i dhanë fund romancës së tyre. Asnjëri prej tyre deri më sot nuk kishte folur rreth ndarjes së papritur. Por sot Zayn në një lidhje telefonike me Rayn Seacrest, u shpreh se ishte shumë i dashuruar me Gigi-n.
“Isha shumë i dashuruar, dhe kjo gjë ishte shumë e qartë. Shpresoja ta dashuroja për gjithë jetën time, dhe për gjithë jetën e saj, siç shpresojnë shumë prej nesh. Gjërat ndryshuan dhe ecëm para në jetë. Kohërat ndryshojnë”,-është shprehur Zayn.
Zayn, ka treguar gjithashtu se “Let me”, kënga e tij më e fundit e publikuar vetëm 2 ditë më parë është dedikim për supermodelen Gigi Hadid. Kur është ulur për të shkruajtur tekstin, ka pasur vetëm një gjë në mendje; historinë me Gigi Hadid.