Zëvendës kryetari i LSI-së, Luan Rama ka reaguar në një postim në facebook pas protestë së LRI-së dhe FRPD para shtëpisë së Ramës. Rama shkruan se të rinjët kanë marrë guximin te protestojnë para fytyrës së xhelatit.
Postimi i plotë:
Koha e rinisë dhe Edi Rama përballë!
Për Floidën dhe moshatarët e saj…
Kanë guxuar të protestojnë e shteti është shfaqur përballë tyre me fytyrën e xhelatit!
Sepse protesta, ky institucion i shenjtë në demokraci, ka trembur Edi Ramën!
Dhe servilizmi ka ndërsyer policinë e keqpërdorur, për të trembur të rinjtë e protestës, me armë e me pranga!
Frika e pushtetit ka gjithnjë fytyrën e prangave! Dhe mjer ai që për pushtetin e vet, kanos me pranga rininë! Sepse ka parathënë fundin e vet të turpshëm.
“E çuem grushtin për me luftue,
Ndër lufta t’reja,
Dhe me fitue…”
Jetojmë në kohë migjeniane!…