Histori lufte: Si e bëri Hitleri rrafsh me tokën Beogradin….

0

Më 6 prill 1941, forcat ajrore gjermane hodhën 440 tonë bomba në kryeqytetin e Mbretërisë së atëhershme të Jugosllavisë.

 77 vjet më parë, forcat ajrore gjermane bombarduan Beogradin. Sulmi ishte hakmarrje për shkak të grushtit ushtarak në Mbretërinë e Jugosllavisë, me të cilën u rrëzua nga froni mbreti Pavle Karagjorgjeviq, pasi ai nënshkroi paktin me Gjermaninë.

Loading...

Mbretëria e Jugosllavisë ishte një pengesë për Hitlerin, pasi ishte i vetmi shtet që deri në mars 1941 kishte një qëndrim neutral dhe që ende nuk ishte përkulur nga njëra anë.

Në atë kohë, Hitleri ishte përgatitur intensivisht për të pushtuar BRSS-në dhe u krijua aleanca trepalëshe Japoni, Gjermani dhe Itali. Kësaj aleance iu bashkuan edhe Hungaria, Rumania dhe Bullgaria, ndërsa Italia sulmoi Shqipërinë dhe Greqinë.

Hitleri në shkurt të vitit 1941, ftoi kryeministrin e atëhershëm Dragisha Cvetkoviq në Berchtesgaden dhe kërkoi që Mbretëria e Jugosllavisë t’i bashkohej paktit, por ata shtyn vendimin dhe Hitleri ftoi edhe Paul Karagjorgjeviq.

Paul mbrojti paktin e pranimit për shkak se parashikonte se Britania e Madhe nuk do të mbrojë mbretërinë nga Gjermania dhe në fund të marsit nënshkroi paktin, por dy ditë më vonë ai u rrëzua në një grusht- shteti ushtarak dhe u dëbua në Greqi.

Për këtë arsye, në ditën e grushtit ushtarak më 27 mars 1941, Hitleri nxori Direktivën 25 dhe vendosi të bombardojë Beogradin në formë hakmarrjeje. Ai grumbulloi flotën ajrore përgjatë kufirit me Mbretërinë e Jugosllavisë për ta sulmuar atë më 6 prill 1941.

Qindra avionë gjermanë në katër sulme me gjithsej 234 bombardues dhe 120 gjuajtës hodhën 440 tonë bomba të ndezshme në qytet. Nga sulmet pati 2,274 njerëz të vrarë dhe të plagosurit ishin disa herë më shumë. Mbrojtja antiajrore nuk mundi t’i të rezistojë, andaj u shkatërruan mijëra ndërtesa.

Beogradi ishte pothuajse rrafsh me tokën dhe forcat gjermane hynë në qytet më 12 prill 1941 pa shumë rezistencë.

Operacionet ajrore u drejtuan nga Alexander Löhr, i cili u kap nga partizanët më 9 maj 1945. Ai arriti të ikë, por ata e kapën përsëri më 13 maj dhe e dënuan atë me vdekje.

Loading...

Lini nje pergjigje