Mbi 5 mijë hektarë tokë në Shkodër janë nën pushtetin e ujit. Fshatra të tëra janë pa energji elektrike për shkak të dëmtimit të rrjetit shpërndarës, ndërsa dhjetëra familje kanë braktisur banesat për shkak të rrezikut që u kanoset.
Ndërkohë, Kryeministri Edi Rama ka reaguar lidhur me përmbytjet në qytetin e Shkodrës.
Shefi i Qeverisë ka shpërndarë një album fotografik ku ka treguar mobilizimin e strukturave shtetërore për të përballuar situatën.
Teksa përshëndet operacionin, Rama garanton se shteti është në krye të detyrës.
Por, kur situata është mjaft e vështirë, kreu i Qeverisë ndodhet në Stamboll, ku i shoqëruar nga bashkëshortja e tij, Linda Rama, është pritur nga presidenti turk, Rexhep Taip Erdogan .
Për momentin nuk ka detaje, por me siguri që, vizita e Ramës në Stamboll nuk do të lërë jashtë takimit edhe çështjen e detit me Greqinë.
