Gina Haspel, do të jetë drejtoresha e parë femër e Agjencisë Qendrore të Inteligjencës (CIA). Ajo është një oficere karriere e inteligjencës me një përvojë prej më shumë se 30 vjet. Kontroversisht, ajo drejtoi një burg në Tajlandë ku anëtarët e dyshuar të al-Kaedës u torturuan me ujë në vitin 2002.
Të ashtuquajturat vende të zeza – vende të fshehta jashtë shtetit ku CIA zhvilloi atë që quhet “teknikë e zgjatur e marrjes në pyetje” – u mbyllën nga ish-presidenti amerikan Barak Obama.
Megjithatë, Presidenti Donald Trump ka folur në favor të marrjes në pyetje në mënyrë të ashpër të të dyshuarve.
Haspel, 61-vjeç, ka përvojë të gjerë jashtë shtetit.
Duke u rritur në detyrë, ajo u zgjodh vitin e kaluar si zv/drejtore e CIA-s, pavarësisht kritikave të historive të saj në “sajtet e zeza”
Në atë kohë, Z. Pompeo i zgjedhur tani nga Trump si sekretar i Jashtëm, e përshkroi atë si një “oficer ekzekutiv të inteligjencës” me një “aftësi të çuditshme për të bërë gjërat dhe për të frymëzuar ata përreth saj”.
Në një deklaratë, ajo tha: “Unë jam mirënjohëse ndaj Presidentit Trump për mundësinë, dhe e përulur nga besimi i tij për të më emëruar si drejtore e ardhshme e CIA-s. Nëse konfirmohet, pres që të siguroj Presidentin Trump për mbështetjen e jashtëzakonshme të inteligjencës”.
Si një oficere e inteligjencës, ajo ishte e njohur për pikëpamjet e saj të ashpra: ajo zhvilloi një vend famëkeq të zi në Tajlandë, një vend ku të burgosurit u torturuan me ujë. Ajo tani po punon për një president që ka qenë ambivalent në lidhje me këtë çështje, shkruan BBC.
Presidenti mund të ndryshojë mendjen përsëri – nëse zonja Haspel dhe zyrtarë të tjerë të shërbimit të fshehtë thanë se është e nevojshme. Në këtë mënyrë, SHBA mund të ktheheshin në praktikat e saj të errëta të ‘vendeve të zeza’ dhe marrjen në pyetje me metoda brutale.
Emërimi i zotit Haspel duhet të konfirmohet nga Senati.
Republikani Richard Burr, kryetar i Komitetit të Inteligjencës të Senatit, tha se mezi priste mbështetjen e propozimit, duke thënë se ajo kishte “aftësitë e duhura, përvojën dhe gjykimin për të udhëhequr një nga agjencitë më kritike të vendit tonë”.
Megjithatë, Senatori Demokrat Ron Wyden tha se sfondi i saj e bënte të papërshtatshëm duke shtuar: “Nëse zonja Haspel kërkon të shërbejë në nivelet më të larta të inteligjencës amerikane, qeveria nuk mund të mbulojë fakte shqetësuese nga e kaluara e saj”.
Vendndodhja e zezë në Tajlandë e drejtuar nga zonja Haspel mbikëqyrte marrjen në pyetje të të dyshuarve të al-Kaidës, Ebu Zubejde dhe Abd el-Rahim el-Nashiri.
Kabllot e deklasifikuara të CIA-s zbuluan se Zubaydah u mbulua me ujë 83 herë në një muaj dhe koka e tij ishte përplasur në mure.
Ai gjithashtu iu nënshtrua privimit të gjumit dhe metodave të tjera të ashpra para se hetuesit të vendosnin se ai nuk kishte informacion të dobishëm për të zbuluar, thanë dokumentet.
Hedhja e ujit është një proces marrjeje në pyetje që i shkakton subjektin të përjetojë ndjesinë e mbytjes, shkruan BBC.
Të arrestuarit i vendoset një pëlhurë në gojë dhe i hidhet ujë sipër.
Uji derdhet mbi fytyrë, duke krijuar ndjenjën se mushkëritë mbushen me ujë
