Monika Kryemadhi i është përgjigjur interesit të gazetarëve lidhur me skandalin e lobimit rus që ka përfshirë të djathtën por edhe politikën shqiptare. Kryemadhi i ka kujtuar kryeministrit Rama foton me ish-Presidentin Obama.
“Qesharake! Problemi më i madh nuk është a ka bërë foto Lulzim basha me Trump, se nëse e mbani mend, Rama veshi fustan për të bërë foto me Obamën para disa viteve dhe nuk u bë kaq e madhe. Personalisht jam pak kundër kompanive lobiste”, u shpreh kryetarja e LSI ndërsa iu përgjigj zërave për një ftohje të marrëdhënieve me kryetarin e PD, duke pohuar se marrëdhëniet e saj me Lulzim Bashën janë të mira e se janë bashkë në frontin opozitar.
