Ish-deputeti i Partisë Demokratike, Arben Imami, anëtar i Kryesisë të kësaj partie ka kundërshtuar kërkesën e kryetari Basha për të qenë pjesë grupit të punës për ndryshimet statutore.
Imami ka deklaruar sipas burimeve që se është kundër thirrjes të Kuvendit Kombëtar pa u thirrur më parë Këshilli Kombëtar.
Imami: Jam kundra mbledhjes së Kuvendit pa u thirrur Këshilli Kombëtar. Nuk kuptoj pse duhet të bëjmë kongres të parakohshëm. Nuk jam dakord me këtë nxitim, sepse nuk kuptoj shkaqet. Nuk kuptoj shkaqet e mbledhjes së Kuvendit Kombëtar, pasi në mbledhjen e fundit u fol vetëm për analizë.
Gjithashtu, Imami sipas burimeve i ka kërkuar Bashës se çështjet nuk zgjidhen në mënyrë mekanike.
Imami-Bashës: Nuk zgjidhen gjërat në mënyrë mekanike, e as me grupe pune. Fjalët i ke të bukura por mungojnë veprat. Duhet fryme dhe nuk zgjidhet kjo çështje duke na futur nëpër grupe pune.
