Me rastin e festës së ‘7 Marsit’, kryeministri Edi Rama ka organizuar një ceremoni të veçantë me mësues nga i gjithë vendi.
Gjatë aktivitetit të zhvilluar një ambientet e Kryeministrisë, Rama dekoroi me medalje mirënjohje një nga një mësueset e rretheve ku disa prej tyre ishin në prag pensioni.
Megjithatë njërës prej tyre kreu i qeverisë i ngatërroi shkollën.
Pasi ka marrë medaljen, mësuesja korçarë nuk ka ngurruar t’ia shprehë hapur se “u prek nga ky fakt”.
Mësuesja: Faleminderit për medalje, por doja të bëja një korrigjim. Unë jam mësuese në shkollën “Themistokli Gërmenji”, dhe jo në shkollën “Stavri Themeli.
Rama: S’ka gjë! Po ju nga Korça në fakt e keni pak problem këtë gjë…
Mësuesja: Jo, por sikur mu prek pak prestigji!
Rama: Të na falin të gjithë mësuesit e “Themestokli Gërmenjit” dhe atyre të “Stavri Themelit” u themi mbase vitin tjetër do jetë radha juaj.
Mësuesja: Ju falënderoj për medaljen. Mendoj se jam sot këtu falë punës sime, por edhe falë vlerësimit tuaj…