Remzi Basha, një shqiptar nga Suhareka që jeton në Suedi do të ndihej i vetmuar kur do të kuptonte se jeta e tij ishte në rrezik.
Poeti ishte diagnostikuar me një sëmundje në veshkë, si pasojë e së cilës i ishte rrezikuar edhe jeta. E vetmja mundësi për të shpëtuar jetën e tij, ishte transplantimi i njërës veshkë.
Por në raste të tilla me rrezik njerëzit shmangen. Por dikush që nuk e kishte lënë vetëm gjatë jetës kishte vendosur që të mos e linte vetëm as këtë herë. Gruaja e tij Afërdita, do të shprehte gatishmëri të dhuronte njërën veshkë për të shpëtuar jetën bashkëshortit.
“Ajo as dhe një sekondë të vetëm nuk mund të imagjinonte jetën pa njeriun, bashkëudhëtarin,bashkëshortin me të cilin kishin rinisuar jetën duke migruar në Suedi, në kohërat më të vështira të okupimit sërb”, ka treguar vetë Basha.
Për këtë gjest human Afërdita Bashës i janë ndarë dhe mirënjohje nga Bashkësia Kulturore e Rumanisë dhe Shoqata e Shkrimtarëve të Suedisë.
