VIDEO/ Arrestohet sërish mbesa e Mogherinit, pjesë e grupit të trafikut

0

Një aksion i madh i policisë italiane, ka bërë që në pranga të arrestohen 21 persona, mes të cilëve edhe Gaia Mogherini, mbesa e Përfaqësueses së Lartë të BE-së, Federica Mogherini.

Lajmi është bërë i ditur nga mediat italiane, sipas të cilave mbesa 28 vjeçare e Mogherinit është në mesin e grupit të arrestuar, të cilët shpërndanin kokainë në lokalet e natës.

Sipas hetimeve, 5 prej të arrestuarve janë kapur në kushtet e flagrancës, duke shpërndarë kokainë, ndërkohë që 16 të tjerët, mes të cilëve edhe Gaia Mogherini, akuzohen si bashkëpunëtorë.

Grupi merrej kryesisht me shpërndarjen e kokainës në dy lokale në veçanti gjatë natës, ndërsa zinxhiri i furnizimit përfshin edhe zonat si San Giovanni, Anagnina dhe La Rustica, deri në zonën Casilina.

Image

Në cilësinë e provës materiale, janë sekuestruar kokainë 97 për qind e pastër, si dhe armë zjarri në posedim të të arrestuarve.

Për Gaia Mogherinin, kjo nuk është hera e parë që ka telashe me policinë. Ajo është arrestuar edhe tetor të vitit 2016 për të njëjtën akuzë. Ajo është vajza e vëllait të Federica Mogherinit, Përfaqësuese e lartë e BE-së për punët e jashtme.

Vajza, 28 vjeçare, është lënë në arrest shtëpiak me akuzën për posedim të lëndëve narkotike.

Image

Lini nje pergjigje