Standard.al

Arrestohet shqiptari i shumëkërkuar nga policia greke (FOTO)

0

Pas gjashtë vitesh nga krimi, policia greke e Atikës ka njoftuar se ka arrestuar autorin e vrasjes së një 29-vjeçari shqiptar, orët e para të mëngjesit të 21 Shtatorit 2012 në Peristeri të Athinës.

Sipas raportimeve të medieve greke: Në pranga është vënë Dhimitër Meçi, i njohur si “Dhimos”, i cili konsiderohet “një nga vrasësit më të efektivë që bashkëpunonte me mafian greke”.

29-vjeçari shqiptar u gjet i vdekur në vendin e shoferit, plagë të shkaktuara me armë zjarri, njoftoi në një deklaratë zyrtare policia greke. Siç u zbulua nga hetimet, makinës ku iu gjet viktima iu afrua një motoçikletë me dy persona. Këmbëzën e shkrepi pasagjeri i motoçikletës pa zbritur nga mjeti.

Në pranga është vënë edhe një tjetër person, me kombësi greke dhe moshë 28-vjeç, si bashkëpunëtor në vrasje.

Shqiptari i njohur si “Dhimos” është një peron i skeduar nga policia greke. Ai është akuzuar në të kaluarën për disa vepra penale, si vrasje, dy tentativa vrasje, përfshirjen në organizatë kriminale, zhvatje, vjedhje, dhe armëmbajtje pa leje.

 

Leave A Reply

Your email address will not be published.

This site uses Akismet to reduce spam. Learn how your comment data is processed.