Agjentët e DEA në Durrës, ku mbërriti ngarkesa me 613 kg kokainë kolumbiane

0

Katër agjentë të DEA-s amerikane kanë mbërritur në portin e Durrësit ku më 27 shkurt u sekuestrua ngarkesa me 613 kg kokainë.

Mësohet se agjentët specialë kanë kontrolluar mënyrën e procedimit të Agjencive në Portin e Durrësit në lidhje me hetimin e kokainës.

Qendra e antidroges amerikane që mbulon rajonin e Ballkanit është me zyrë në Athinë.

Të pajisur me pasaportë diplomatike ata kanë hyrë në Shqipëri  nga Pika Kufitare e Kakavijës.

Për ngarkesën me 613 kg kokainë e cila ishte fshehur në dopio dysheme në kontenierin me banane e cila kishte mbërritur në portin e Durrësit më 19 shkurt është shpallur në kërkim pronari i “Arbri Garden”, Arbër Çekaj, në magazinat e të cilës u kontrollua dhe zbulua ngarkesa me kokainë. Ndërsa janë arrestuar menaxheri dhe shoferi i kësaj kompanie. 
Gjykata e Krimeve të Rënda vendosi me 2 mars që shoferi Armando Pezaku dhe menaxheri Donald Lushaj do të qëndrojnë në burg deri në përfundim të hetimit. Sot ndaj këtij vendimi është apeluar.

Lini nje pergjigje