Replikat/ Balla: Kur kreu i PD ishte ministër i Brendshëm… Basha: Ja fute vetes…

0
214

Lulzim Basha deklaroi sot në Kuvend se vendi është kthyer në një rrugë kryesore të trafikut të kokainës. Kryedemokrati ka raportuar të dhëna sekrete, burimin e të cilave nuk e bëri të ditur, lidhur me ekzistencën e bandave që kryejnë trafik droge. Basha tha në foltoren e Kuvendit se në Shqipëri janë 3 laboratorë për përpunimin e kokainës.

Pas kryetarit të Partisë Demokratike, fjalën në Kuvend e mori Taulant Balla, i cili tha për Lulzim Bashën se ka vetëm hallin e tij dhe jo të Shqipërisë. “Partia juaj mund të jetë një benefit i madh për ne, por një e keqe e madhe për Shqipërinë”, tha Balla.

Në bazë të disa të dhënave, Bala tha se viti 2010 rezulton si viti kur është kapur më pak drogë në vend, atëherë kur ministër i Brendshëm ishte Lulzim Basha.

“2010 është viti më i dobët në kapjen e heroinës dhe kokainës në Shqipëri, kur ministër i Brendshëm Lulzim Basha. Drogë ka pasur, por nuk ka vepruar policia.Janë kultivuar rreth 2 milionë bimë kanabis, pasi ju keni lënë ministrinë. Policia nuk ndërhynte fare në ato zona”, u shpreh Taulant Balla.

Më tej, Balla shoprehet se prej vitit 2011 janë raportuar raste të transporti me avionë të drogës. “Gjatë viteve 2005-2013 janë raste edhe të personave më status diplomatik për transport droge”.

Duke ju përgjigjur akuzave të kreut të deputetëve të PS-së, Taulant Balla, Lulzim Basha tha se të dhënat që tregoi Balla e nxjerrin atë bllof.

“The qe janë kapur sasi të vogla kokaine, por ja fute vetes dhe rrezove argumentet. Në kohën time është kapur sasi me e vogël sepse trafiku goditej bashkë me partnerët që në origjinë,  nuk trafikohet si sot me 613 kilogramë”,- tha Basha.

Web Agency, Digital Agency, Web Development Agency

LEAVE A REPLY

Please enter your comment!
Please enter your name here