Ja e vërteta e 4 vjeçarit që kaloi i vetëm shkretëtirën nga Siria

0

Një fotografi e shpërndarë kohët e fundit në media dhe në rrjetet sociale paraqet një fëmijë që ecën i vetëm nëpër shkretëtirë.

Pretendimi është që fëmija me emrin Marwan, katër vjeç – që është refugjat për shkak të konfliktit në Siri – e ka kaluar i vetëm tërë shkretëtirën derisa ka takuar humanitarët e Kombeve të Bashkuara.

Një gazetar i CNN kishte shkruar që fëmija kishte qenë i vetëm, por që mediat ndërkombëtare më pas, duke përfshirë edhe Daily Mail, e kishin pwrgwnjeshtruar lajmin dhe kishin shpjeguar që fëmija në fjalë nuk po ecte vetëm – ai ishte pjesë e një grupi refugjatësh, por fotografia ishte prerë duke e nxjerrë atë të vetëm.

Daily Mail e kishte sqaruar më 2014 që djaloshi nuk kishte qenë i vetëm gjatë ikjes nga Siria

Krejt kjo ngjarje kishte ndodhur pas shpërthimit të konfliktit në Siri më 2014, ndërsa gjithashtu u raportua që Marwan ishte bashkuar më pas me nënën e tij në një kamp refugjatësh në Jordani.

Në rrjetet sociale ka ndodhur shpesh viteve të fundit që të manipulohet me konflikte të ndryshme nëpër botë. Një rast i ngjashëm i manipulimit me fotografi nga Siria ishte demantuar edhe më parë, kur dikush kishte shpërndarë një fotografi ku shihej një turmë e njerëzve që ishte riaktualizuar.

Lini nje pergjigje