Mario Balotelli sërish vendimtar për Nicën, që arrin t’i gëzohet pas 7 ndeshjesh fitores, këtë radhë 2-1 në sfidën e javës së 28-të të Ligue 1 përballë Lille.
Sulmuesi italian, aq shumë i përfolur ditët e fundit për të ardhmen e tij, realizoi me kokë golin që zhbllokoi takimin që në minutën e 5-të pas krosimit të Cyprien nga këndi.
Në fillim të pjesës së dytë Araujo, i gjendur i lirë në hyrje të zonës, barazoi shifrat në 1-1, por në minutën e 81-të Cyprien ktheu epërsinë për vendasit me golin e 2-1.
Më këtë sukses Nica ngjitet në kuotën e 39 pikëve në vendin e 7-të.