Vrau e dogji burrin dhe vjehrrën në janar, ja ç’deklaroi pas krimit nusja që u arrestua

0
200

Pas vrasjes së Olsi Hoxhallarit dhe nënës së tij, Salkie Hoxhallari në lagjen “24 maji” në Vlorë si dhe djegies së shtëpisë ku ata jetonin, i vetmi person që ndodhej atë natë në banesë ishte nusja e Olsit, Hysnije Hoxhallari, e cila u ndalua sot si e dyshuar si autore bashkë me Kasëm Pirjasim nga fshati Strum i Fierit.

“Rreth orës 11:30 minuta e lashë tim shoq dhe vjehrrën duke parë televizor dhe kalova në dhomën tjetër për të fjetur, – tha Hysnie Hoxhallari, nënë e një djali 3-vjeçar në janar. – Nuk kam dëgjuar asgjë. Rreth orës 4 të mëngjesit më zgjoi një si zhurmë, shpërthim, pashë tym e flakë dhe thirra menjëherë komshinjtë për ndihmë. Kur shkova, derën e gjeta të mbyllur nga brenda dhe e hapa me forcë. Kur hyra brenda në dhomë, i gjeta të dy pa shenja jete, ndërsa orenditë ishin djegur thuajse të gjitha”.

Grupi hetimor pati dyshime që në fillim se nënë e bir ishin vrarë nga një person i afërt në befasi, pasi fqinjët nuk kishin dëgjuar asgjë dhe një prej të dyshuarve ishte dhe bashkëshortja e Olsi Hoxhallarit.

Dyshimi kryesor i hetuesve është se masakra nuk kishte ndodhur për grabitje. Kjo për faktin se në të njëjtën dhomë ku ishin vrarë nënë e bir, hajdutët nuk e kishin vjedhur shumën prej 3 mijë eurosh. Viktima Olsi Hoxhallari kishte ardhur për festat e fundvitit nga Greqia ku edhe ishte emigrant dhe pritej që të largohej sërish, ndërkohë që nusja e tij Hysnia jetonte bashkë me vjehrrën, Salkien.

ARRESTIMI

Sipas Policisë  së Vlorës, në bashkëpunim të ngushtë me Prokurorinë e Rrethit Gjyqësor Vlorë, finalizuan operacionin e koduar “Devijimi”, ku është bërë e mundur zbardhja dhe dokumentimi i ngjarjes së ndodhur në muajin Janar 2018 në lagjen “24 Maji” Vlorë.

Ky operacion erdhi si rezultat i punës profesionale të pandërprerë, duke vlerësuar maksimalisht informacionet e grumbulluara, si dhe provat e administruara nga grupi hetimor, të cilat çuan në dokumentimin me prova ligjore të autorësisë së vrasjes së dyfishtë dhe të djegies së trupave të dy shtetasve, nënë e bir.

Hetimet intensive nisën menjëherë pas ngjarjes së ndodhur në muajin janar, ku u gjetën të pajetë e të djegur në banesën e tyre shtetasi O.H. dhe nëna e tij shtetasja S.H., pasi nga grupi hetimor u krijua bindja se nuk kishim të bënim me një ngjarje aksidentale, por me një vrasje.

Si rezultat i operacionit u bë kapja dhe ndalimi i shtetasve: Hysnie Hoxhallari, 32 vjeçe, banuese në Vlorë. Kasëm Pirjasi, 26 vjeç, banues në Strum, Fier.

Të dy shtetasit e mësipërm në bashkëpunim me njëri-tjetrin, për motive të dobëta, kanë dhunuar e më pas kanë vrarë shtetasit O.H., e S.H., si dhe kanë shkaktuar zjarr në banesë me qëllim fshehjen e provave duke synuar për ta devijuar ngjarjen si “aksidentale”.

Në cilësinë e provës materiale është gjetur dhe sekuestruar arma e ftohtë me të cilën dyshohet se është kryer krimi, mjet prerës i fortë prej metali.

Web Agency, Digital Agency, Web Development Agency

LEAVE A REPLY

Please enter your comment!
Please enter your name here