Reshjet e dëborës kanë përfshirë pjesën më të madhe të vendit. Situata më e rënduar sa i përket qarkullimit rrugor shfaqet në veri-lindje dhe jug-lindje të vendit.
Por, flokët e dëborës kanë zbritur deri në bregdet.
Zona e Shëngjinit u zgjua e zbardhur këtë mëngjes dhe në imazhet e shpërndara nga Bashkia e Lezhës shihet rëra e plazhit e mbuluar me një petk të hollë të bardhë.
Ndërkohë, në shumë zona të tjera të vendit, trashësia e saj shkon në disa centimetra.
