Grupi vë në vend amanetin: Çfarë e mundonte më shumë Doktor Florin

0

Të ftuar në emisionin “Chic” të moderator nga Fjodora Fjora këtë herë ka qenë grupi i njohur muzikor “West Side Family”. Pavarësisht ndarjes nga jeta të liderit të tyre Doktor Flori, grupi i famshëm vazhdon të jetojë. Pikërisht për të nderuar figurën e Doktor Florit grupi vjen me një këngë të krijuar pikërisht prej tij. ‘Beso’ quhet kënga që grupi ka hedhur në treg për publikun, një këngë me një mesazh të fuqishëm, për të cilën do të flasin në këtë intervistë dy pjesëtarët e grupit Roland Hysi dhe Armir Shahini.

Pavarësisht ndarjes nga jeta të liderit tuaj të grupit ju nuk e keni lënë pas dore muzikën dhe krijimi juaj me i ri tregon që ju doni të ktheni në vëmendje të publikut atë ç’ka Doktor Flori kishte brenda vetes, talentin e tij.
Ku e mbështetët këtë dëshirë të madhe për të dalë sërish përpara publikut kush ishte inspirimi juaj?
Landi: Ishte një pasuri që Flori e la përgjysmë. E nisi këtë këngë rreth 10 ditë para se të ikte nga kjo jetë, pjesën e parë dhe refrenin e nisi dhe e la përgjysmë në bashkëpunim me Albanin, vëllain e tij.
Me këtë këngë u frymëzuar nga besimi i tij i Krishterë, ishte një projekt që donte ta bënte për Kishën Rilindja, ngeli në mes për ato shkaqe që dihen dhe pjesa e mirë e një tragjedie ishte që ne u bashkuam për ti bërë një dedikim shpirtëror Florit. Pjesën Audio e kishim gati problemi ishte me video dhe ne besojmë se ja kemi arritur kësaj.
Shumica e fansave tuaj ka menduar se ju jeni tërhequr për fare nga muzika dhe ky projekt i ri sigurisht është një surprizë për adhuruesit tuaj.
West Side Family: Në fakt ne asnjëherë nuk e kemi lënë muzikën thjesht ishte një pauzë. Në fakt ne u tërhoqëm thjesht personalisht por jo si grup.
West Side ishte atje edhe pse nuk kemi qenë në treg. Ky projekt u shfaq në 29 dhjetor 2017 dhe grupi është marr rreth një vit me këtë këngë. Ky ishte një material shpirtëror që kërkonte impenjimin e saj dhe shumë kohë.
Projekti që ne realizuam kërkonte kohën e tij, si çdo punë tjetër që ne kemi bërë, por kjo kërkonte më shumë, sepse ishte një projekt shpirtëror dhe ky është një dedikim i yni për Doktor Florin, një amanet i lënë prej tij.

 

Si ju gjeti ky projekt i ri nga pikëpamja vokale dhe profesionale?
West Side Family:Ne kemi qenë gjatë gjithë kësaj kohe on. Nga pikëpamja profesionale jemi më të pjekur, edhe nga zëri edhe nga veshja jemi me seriozë tani.
West Side Family ka qenë gjithmonë gati për të sjellë diçka në treg dhe ne kemi marrë të gjithë kohën tonë, si kemi bërë gjërat me program. Kur ka pasur një fenomen të cilin mund ta godisnim, apo ta këndonim komercialisht ka qenë pikërisht pena e Doktor Florit që e mundësonte këtë bukur. Dhe këtë herë ne kemi ardhur në të njëjtën linjë dhe është pikërisht kjo që ka rëndësi.

Edhe pse është një këngë me shumë mesazhe, nuk duket një këngë komerciale, nuk keni prodhuar një këngë që të ketë shumë klikime, por ka qenë një këngë që përpiqet tu thotë njerëzve besoni, në një shoqëri ku ka humbur besimi. Cmendoni në lidhje me këtë?
West Side Family:Ky ishte një dedikim shpirtëror kështu që nuk mund të jetë një këngë komerciale. Donim diçka të ndjerë që edhe kur njerëzit ta dëgjonin ta ndjenin pjesë të tyre. Pjesa komerciale mund të vijë më mbrapa dhe ne do punojmë për projekte të reja për këngë të reja.

Une e di që ju keni një këngë të re me të cilin do ktheheni si me shkëlqimin e këngëve tuaja të mëparshme, me të cilat keni thyer rekorde audience dhe të cilat vazhdojnë të dëgjohen.
West side family: Ne po punojmë dhe do vazhdojmë ta bëjmë dhe shpresojmë se shume shpejt do të sjellim të tjera këngë.
Megjithatë unë e di që ju tashmë jeni kthyer në studiot e regjistrimeve, kjo do të thotë që ju do të vini shumë shpejt me një produksjon të ri muzikor?
West Side Family: Ne i jemi futur seriozisht punës dhe ne besojmë që puna jonë do të jetë e qëndrueshme tani e tutje.
Për t’ju kthyer edhe një herë projektit ‘Beso’. Sigurisht që nuk është bërë aspak për klikime, por mesazhet që përcjell janë aq të vërteta aq të vyera saqë në çdo moment që i lexojmë rrëqethemi. Ajo që njerëzit thonë për këtë këngë është: Faleminderit që keni bërë këtë këngë’. Nuk ka ndjesi më të mirë se kjo.
Kënga ka disa element të cilët flasin me mënyrë simbolike, për sa i përket asaj që ne na shqetëson, më saktë atë që Doktor Florin e mundonte, disa mesazhe shumë aktuale për politiken shqiptare. Është pikërisht ky mllef që shprehet me mesazhe të forta edhe në këtë këngë.
A do jenë produksjonet në vazhdim në këtë linjë?
West Side Family: Edhe këngët me mesazhe të forta mund të bëhen këngë me shumë klikime, kujtojmë shumë këngë tona të cilat edhe mbas 15 vitesh vazhdojnë të dëgjohen dhe të mbeten shumë të dashura për publikun. Edhe me këngët e ardhshme do të ecim me këtë frymë .Do bëjmë këngë komerçiale, këngë për klube, por do kenë brenda fabul, mesazh, një dukuri që ne e kemi bërë gjithmonë me këngët tona.
Ju tremb konkurrenca, sepse në treg ka shumë grupe ‘agresivë’?
West Side Family: Kjo është sfidë brenda sfidës. Në qoftë se ne nuk do të ishim të zotë tek kjo pjesë do ishim tërhequr prej kohësh.
Ne mendojmë se kemi vlera dhe kemi akoma shumë për të dhënë. Ne gjithmonë kemi ditur t’i ruajmë raportet si me publikun ashtu dhe me këngëtaret e tjerë. Ne gjithmonë do të mbajmë frymën e West Side Family, që edhe kur publiku të dëgjojë këngët tona të thotë këto janë West Side Family.

Do të merrni pjesë në festivale?
West Side Family: Dikur ishte domosdoshmëri pjesëmarrja në festivale, por tani nuk është e njëjta gjë, sepse tani ti bën këngën e hedh në Instagram apo youtube dhe s’ke nevojë për të marrë pjesë në festival, por edhe pjesëmarrja në festival nuk përjashtohet.
Ti Miri vazhdon të jesh i martuar? Po ti Landi pse nuk martohesh?
Miri-Po vazhdoj të jem i martuar po familja ime jeton në Gjermani, unë e kam ndarë jetën time mes Gjermanisë dhe Tiranës. Familja ime nuk besoj se do të kthehet të jetojë më këtu.
Landi- Nëse martesa do jetë një maksimizim i suksesit të West Side le të behet edhe martesa.

Une e di që në verë diçka do të ndodhë me siguri, me siguri nuk do martohet Landi por diçka e bukur do të ndodhë… Gjithsesi unë ju uroj shumë suksese për rikthimin tuaj.

Lini nje pergjigje