Edhe mëngjesin e sotëm nuk kishte si të mungonte Edi Rama. Postimet e tij të mëngjesit, janë kthyer në një vend ku komentuesit lëshojnë akuza të shumta ndaj qeverisë.
Zakonisht kryeministri u kthen përgjigje atyre që e kritikojnë, por sot siç duket ende nuk është zgjuar nga festa e pavarësisë së Kosovës.
Por komentuesit nuk i kanë lënë pa kujtuar Edi Ramës, se si Ramush Haradinaj i ‘tregoi derën’ dhe i tha që të shikonte hallet e veta në Shqipëri.
Por jo vetëm kaq. Duke publikuar një artikull, që sipas tij është nga mediat gjermane, shqiptarët i kanë kujtuar Ramës faktin se në mediat gjermane në fakt flitet përditë për Shqipërinë e kriminalizuar dhe trafikun e drogës që rrjedh nga vendi ynë.
