Kryeprokurorja e Përkohshme Arta Marku ishte mesditën e sotme në qytetin e Vlorës, ndalesa e saj në Gjykatën e Apelit Vlorë, duke u pritur nga prokurorët e Vlorës.
Qëllimi i vizitës së Kryeprokurores në këtë qytet ka qenë analiza vjetore e punës së prokurorisë.
Mësohet se në takim Marku e ka vënë theksin tek kanabisi. Sipas saj, Vlora njihet si qyteti i drogës dhe vend prodhues i kanabisit. ‘Duhet koordinim në fushën e luftës ndaj narkotikëve’, ka thënë Marku.
Takimi është zhvilluar me dyer të mbyllura pa praninë e medias.
Vlora ishte ndalesa e radhës, pas takimeve të zhvilluara në Prokurorinë e Durrësit, Elbasanit dhe Fierit.