Për të gjithë sharësit me ose pa pagesë, ju ftoj të shihni dhe të dëgjoni konstatimet e mia, për arrestimet me dyshime të arsyeshme!

0

Ish-ministri i Drejtësisë, Ylli Manjani ka reaguar pas komenteve në portale mbi qëndrimin e tij në kohën kur ishte Ministër Drejtësie, për çështjen e arrestimeve me dyshime të arsyeshme. Ai thotë se kur ishte Ministër, nuk heshti dhe doli kundër duke kërkuar të rregullohet, por që sipas Manjanit nuk u bë.

”Asokohe kryeja detyrën e Ministrit të Drejtësisë, dhe e kisha më kollaj të heshtja, që ta “kisha mirë” me ju! Por nuk e bëra, e denoncova dhe propozova të ndreqej kjo poshtërsi! Nuk e ndreqen, jo për fajin tim!”,-shkruan Manjani.

Më tej ai thekson se tek ne ligjet e arrestit janë pjesë e kulturës Ruse, që kapet personi dhe më pas gjejnë provat. ”Në perëndim shkohet tek nëpërmjet provave tek autori. Tek ne, ashtu si në Rusi kapim personin dhe pastaj gjejmë provat”,-vijon komenti i ish-ministrit të Drejtësisë.

Statusi i plotë i Manjanit

Për të gjithë sharësit me ose pa pagesë, ju ftoj të shihni dhe të dëgjoni konstatimet e mia, për arrestimet me dyshime të arsyeshme!

Asokohe kryeja detyrën e Ministrit të Drejtësisë dhe e kisha më kollaj të heshtja, që ta “kisha mirë” me ju!

Por nuk e bëra, e denoncova dhe propozova të ndreqej kjo poshtërsi! Nuk e ndreqen, jo për fajin tim!

Në emisionin Opinion të datës 27 Nëntor 2017, kam thënë ekzakt të njëjtën gjë, teksa debatohej për rastin “Tahiri”.

Kam thënë në tekst se “ligjet e arrestit tek ne janë pjesë e kulturës Ruse. Në perëndim shkohet tek nëpërmjet provave tek autori. Tek ne, ashtu si në Rusi kapim personin dhe pastaj gjejmë provat”.

Në asnjërën nga këto raste nuk ju pashë të shani…

Tani u kujtuat?

Shani, shani se nuk ju rritet rroga!

Burracakë!

Lini nje pergjigje